མེ་ཏོག་དྲ་བ།

ཏུའུ་ཆིན་ལེན་གི་ཏྭ་ལའི་བླ་མ་སྒེར་གྱི་སྐུ་ཚབ་འཁོར་དང་བཅས་པར་མཇལ་འཕྲད་གནང་བ་།

metog — Fri, 07 Nov 2008 20:35:08 +0000

ཉེ་ལམ་པེ་ཅིང་དུ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་ཀྲུང་གུང་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཏུའུ་ཆིང་ལིན་གྱིས་ཏཱ་ལའི་བླ་མའི་མི་སྒེར་གྱི་འཐུས་མི་རྒྱ་རི་བློ་གྲོས་དང་སྐལ་བཟང་རྒྱལ་མཚན་འཁོར་དང་བཅས་པར་མཇལ་འཕྲད་གནང་བ་རེད།
ཏུའུ་ཆིང་ལིན་གྱིས་རྒྱ་རི་བློ་གྲོས་འཁོར་དང་བཅས་པར་པེ་ཅིང་གི་ཨའོ་རྩལ་འགྲན་ཚོགས་དང་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་སྟེང་དུ་གྲུབ་འབྲས་ཆེན་པོ་བླངས་པ་དང་། འཕུར་གྲུ་ཨང་བདུན་པ་ཞེས་པར་མི་བསྡད་ནས་མཁའ་དབྱིངས་སུ་བསྐྱོད་པ་བདེ་བླག་ངང་ལེགས་འགྲུབ་བྱུང་བའི་གནས་ཚུལ་སྐོར་ངོ་སྤྲོད་གནང་ཞིང་། དེང་སྐབས་རྒྱལ་ཁབ་དང་བོད་རང་སྐྱོང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་བའི་གནས་ཚུལ་སྐོར་དང་། དེ་མིན་བོད་ལྗོངས་ཀྱི་ཡོམ་འགོག་གེགས་སེལ་དང་ཤིན་ཏུ་མཐོང་དཀོན་པའི་གངས་སྐྱོན་འགོག་སེལ་བྱས་ཚུལ་སོགས་ངོ་སྤྲོད་གནང་བ་རེད། ཁོང་གིས་འདི་སྐད་དུ། ང་ཚོ་དཀའ་ངལ་དང་ཚོད་བགམ་སྣ་ཚོགས་ལས་རྒྱལ་ཐུབ་པ་དང་། བཅོས་སྒྱུར་སྒོ་འབྱེད་དང་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་ལ་ཀུན་གྱིས་དོ་སྣང་བྱེད་པའི་གྲུབ་འབྲས་གསར་པ་བླངས་ཡོད་པ་མཐའ་དག་གི་རྩ་བའི་རྒྱུ་རྐྱེན་ནི། ང་ཚོས་ཐོག་མཐའ་བར་གསུམ་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འཕེལ་རྒྱས་ཀྱི་ལམ་ཕྱོགས་རྒྱུན་འཁྱོངས་བྱས་པས་ཡིན་ལ། ཀྲུང་གོ་ཞི་བདེའི་ངང་འཕེལ་རྒྱས་འགྲོ་བ་ནི་ནམ་ཡང་འགོག་ཐབས་མེད་པའི་ལོ་རྒྱུས་ཀྱི་འཕེལ་ཕྱོགས་ཤིག་ཡིན་པ་དང་། བོད་ལྗོངས་ཉིད་མེས་རྒྱལ་གྱི་ཁྱིམ་གཞི་ཆེན་མོའི་ནང་དུ་དར་རྒྱས་ཆེན་པོ་འགྲོ་བཞིན་པ་ནི་ཀུན་གྱི་མིག་གིས་མཐོང་ཚོད་དུ་གྱུར་པའི་དོན་དངོས་ངོ་མ་རེད་ཅེས་གསུངས་པ་རེད།
ཏུའུ་ཆིང་ལིན་གྱིས་འདི་སྐད་དུ། ཀྲུང་གོའི་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱེད་པ་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ཕྱོགས་རྒྱུན་འཁྱོངས་བྱེད་པ། མི་རིགས་ས་ཁོངས་ཀྱི་རང་སྐྱོང་ལམ་ལུགས་རྒྱུན་འཁྱོངས་བྱེད་པ་བཅས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་དུ་ཁ་གསལ་བའི་སྒོ་ནས་གཏན་འབེབས་གནང་ཡོད་ལ། བོད་ལྗོངས་ཀྱི་ཆེས་ཆེ་བའི་ཆབ་སྲིད་དངོས་དོན་ཞིག་ཀྱང་ཡིན། “རྒྱུན་འཁྱོངས་བྱེད་པ་གསུམ”ཞེས་བྱ་བ་ཁས་མི་ལེན་ཞིང་རྩ་ཁྲིམས་དང་རྩ་ཁྲིམས་ལས་འགལ་བའི་བྱ་སྤྱོད་མཐའ་དག་ནི་གཏན་ནས་མི་ཆོག “རྒྱུན་འཁྱོངས་བྱེད་པ་གསུམ”ཞེས་བྱ་བ་དེ་ནམ་ཡང་འགྱུར་བ་མེད་པ་དང་། སྔར་བཞིན་ལག་བསྟར་བྱེད་རྒྱུ་ཡིན་ཞེས་གསུངས་པ་རེད།
ཏུའུ་ཆིང་ལིན་གྱིས་འདི་སྐད་དུ། རྩ་འཛུགས་གང་དང་མི་སྒེར་གང་རུང་ཞིག་ཡིན་རུང་ངེས་པར་དུ་རྩ་ཁྲིམས་གཞི་རྩར་བཟུང་ནས་བྱེད་སྒོ་སྤེལ་བ་དང་། རྩ་ཁྲིམས་ཀྱི་ཟིལ་ཤུགས་སྲུང་ཅི་ཐུབ་བྱས་ནས། རྩ་ཁྲིམས་དང་མི་རིགས་ས་ཁོངས་རང་སྐྱོང་བཅའ་ཁྲིམས་ལ་བརྩི་སྲུང་བྱེད་དགོས། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ས་ཁོངས་རང་སྐྱོང་བཅའ་ཁྲིམས》ཞེས་པ་ལག་བསྟར་བྱས་ནས་ངེས་པར་དུ་རྒྱལ་ཁབ་ཀྱི་ཁེ་ཕན་དང་ཀྲུང་ཧྭ་མི་རིགས་ཀྱི་ཁེ་ཕན་དེ་ཡོད་ཚད་ལས་མཐོ་བའི་རྩ་དོན་རྒྱུན་འཁྱོངས་བྱེད་པ་དང་། མཐའ་གཅིག་ཏུ་རྒྱལ་ཁབ་གཅིག་གྱུར་དང་མི་རིགས་མཐུན་སྒྲིལ། མི་རིགས་ས་ཁོངས་རང་སྐྱོང་བཅས་ལ་བརྩི་སྲུང་བྱེད་པ་ནི། རང་རྒྱལ་གྱི་སྣ་གཅིག་པའི་ལམ་ལུགས་ཀྱི་རྒྱལ་ཁབ་སྒྲིག་གཞིའི་རྣམ་པ་བྱེ་བྲག་གིས་མཚོན་པ་ཞིག་ཡིན་པ་དང་། རྒྱལ་ཁབ་ཁ་ཤས་ཤིག་གིས་ལག་བསྟར་བྱེད་བཞིན་པའི་རྒྱལ་ཕྲན་མཉམ་འབྲེལ་ལམ་ལུགས་དང་རྒྱལ་ཁག་མཉམ་འབྲེལ་ལམ་ལུགས་དང་མི་མཐུན་ལ། མི་རིགས་ས་ཁོངས་རང་སྐྱོང་བཅའ་ཁྲིམས་ནི་རང་རྒྱལ་གྱི་མི་རིགས་གནད་དོན་སྐོར་ཐག་གཅོད་བྱེད་པའི་རྩ་བའི་སྲིད་ཇུས་ཡིན་པ་དང་། རྒྱལ་ཁབ་ཀྱི་རྩ་བའི་ཆབ་སྲིད་ལམ་ལུགས་ཤིག་ཀྱང་ཡིན། རྒྱལ་ཁབ་ཀྱིས་ཞང་ཀང་དང་ཨའོ་མོན་གཉིས་ལ་ལག་བསྟར་བྱེད་པའི“རྒྱལ་ཁབ་གཅིག་ལ་ལམ་ལུགས་གཉིས”ཞེས་པ་དང་མི་འདྲ་བ་ཡིན། མི་རིགས་ས་ཁོངས་རང་སྐྱོང་ནི་མི་རིགས་རང་སྐྱོང་དང་ས་ཁོངས་རང་སྐྱོང་ཟུང་འབྲེལ་དམ་ཚགས་བྱེད་པ་ཡིན་ཞིང་། “ངེས་པ་དོན་གྱི་མི་རིགས་རང་སྐྱོང”ཞེས་པའི་དར་ཆ་འཁྱེར་ནས་མི་རིགས་ཁ་བྲལ་དང་མི་རིགས་མཐུན་སྒྲིལ་ལ་གནོད་པའི་ལས་དོན་གཏན་ནས་སྤེལ་མི་ཆོག་ཅེས་གསུངས་པ་རེད།
ཏུའུ་ཆིང་ལིན་གྱིས་འདི་སྐད་དུ། མེས་རྒྱལ་གཅིག་གྱུར་དང་མངའ་ཁོངས་འཐུས་ཚང་དུ་གཏོང་བའི་རྩ་དོན་ཀྱི་གནད་དོན་འདིའི་སྟེང་། དུས་ནམ་ཞིག་དང་གནས་ཚུལ་གང་རུང་ཞིག་གི་འོག་ཏུའང། འགྱུར་བ་དང་ཡོ་གཟིར་སྤུ་ཙམ་ཡང་མེད་པ་ཡིན་ལ། བོད་ལྗོངས་རང་བཙན་བྱས་མི་ཆོག་ལ་རང་བཙན་ཕྱེད་ཙམ་ཡང་བྱས་མི་ཆོག རྣམ་པ་འགྱུར་བའི་རང་བཙན་ཀྱང་མི་ཆོག་པ་ཡིན། ཏཱ་ལའི་བླ་མས་ངེས་པར་དུ་ལོ་རྒྱུས་ལ་བརྩི་བཀུར་བྱེད་དགོས་པ་དང་། དངོས་དོན་གནས་ཚུལ་ལ་དོ་སྣང་བྱེད་པ། དུས་རབས་དང་བསྟུན་ནས་རང་ཉིད་ཀྱི་ཆབ་སྲིད་འདོད་བློ་རྦད་དེ་བཅོས་སྒྱུར་བྱེད་པ་དང་། དྲག་ཤུལ་སྤྱོད་པའི་ཚུལ་གྱིས་བྱས་ཉེས་གསོག་པའི་བྱེད་སྒོ་དང་། ལྐོག་ཇུས་ལྡན་པའི“བོད་རང་བཙན།” མེས་རྒྱལ་ཁ་བྲལ་དུ་གཏོང་བའི་འདོད་བློ་དང་བྱེད་སྒོ་མཐའ་དག་ལ་ངེས་པ་དོན་གྱིས་རྒྱབ་སྐྱོར་མི་བྱེད་པ། ད་ལོའི་ཟླ༧པའི་ནང་པེ་ཅིང་དུ་གྲོས་མོལ་གནང་སྐབས་བཏོན་པའི་དམ་བཅའ་ལག་ཏུ་བསྟར་ནས་གྲོས་མོལ་གོང་འཕེལ་ཡོང་བར་ཕན་འབྲས་ལྡན་པའི་ཆ་རྐྱེན་ལེགས་པོ་ཞིག་བསྐྲུན་དགོས་ཞེས་ཏན་ཏན་ཏིག་ཏིག་གིས་གསུངས་པ་རེད།
ཏུའུ་ཆིང་ལིན་གྱིས་འདི་སྐད་དུ། ཀྲུང་དབྱང་གིས་ཏཱ་ལའི་བླ་མར་འཛིན་པའི་སྲིད་ཇུས་ནི་ཐོག་མཐའ་བར་གསུམ་དུ་གཅིག་མཚུངས་ཡིན་ལ། གླེང་མོལ་བྱེད་པའི་སྒོ་ཆེན་ནམ་ཡང་ཕྱེས་ཡོད། ད་ལོའི་ཚུན་ལ་རྡུང་བཅོམ་འཕྲོགས་བསྲེག་གི་དྲག་ཤུལ་སྤྱོད་པའི་ཚུལ་གྱིས་བྱས་ཉེས་བསགས་པའི་བྱེད་སྒོ་སྤེལ་ནའང་ང་ཚོས་སྔར་བཞིན་སྔ་ཕྱི་ཐེངས་གསུམ་ལ་ཏཱ་ལའི་བླ་མ་མི་སྒེར་གྱི་འཐུས་མི་ཕྱིར་རང་རྒྱལ་དུ་ལོག་ནས་གྲོས་མོལ་གནང་བར་བཀོད་སྒྲིག་གནང་བ་དེས། ཀྲུང་དབྱང་གི་ལྷག་བསམ་ཟོལ་མེད་དང་ཐུགས་སྐྱེད་ཡངས་པ་བཅས་མཚོན་ཡོད་པ་རེད། རེ་བ་ནི་ཏཱ་ལའི་བླ་མས་རྒྱལ་ཁབ་དང་མི་རིགས། ལོ་རྒྱུས། རང་ཉིད་བཅས་ལ་ཕན་པ་ཡོད་པའི་གདམ་གསེས་ཡག་པོ་ཞིག་བྱས་ན་ལེགས་ཞེས་གསུངས་པ་རེད།
ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་རྒྱུན་ལས་པུའུ་ཀྲང་གཞོན་པ་ཀྲུའུ་ཝེ་ཆུན་དང་པུའུ་ཀྲང་གཞོན་པ་སྲི་ཐར། བོད་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་པད་མ་འཕྲིན་ལས་བཅས་ཀྱིས་རྒྱ་རི་བློ་གྲོས་འཁོར་དང་བཅས་པར་གྲོས་མོལ་གནང་ཞིང་། གྲོས་མོལ་གནང་བའི་སྐབས་སུ་འདི་སྐད་དུ། ཀྲུང་དབྱང་གིས་ཏཱ་ལའི་བླ་མས་རྒྱལ་གཅེས་ལངས་ཕྱོགས་འཛིན་པའི་སྒོ་ཆེན་ནམ་ཡང་ཕྱེ་ཡོད་ལ་རྗེས་ཕྱོགས་ཀྱང་སྒོ་ཕྱེ་ངེས། འོན་ཀྱང་བོད་རང་བཙན་དང་། རང་བཙན་ཕྱེད་ཀ རྣམ་པ་འགྱུར་བའི་རང་བཙན་ཞེས་པའི་སྒོ་ཆེན་དེ་རིགས་འདས་ཟིན་པའི་ནང་དུ་ཕྱེ་མྱོང་མེད་ལ། རྗེས་ཕྱོགས་ཀྱང་ཕྱེ་མི་སྲིད་པ་ཡིན། རྒྱ་རི་བློ་གྲོས་དང་སྐལ་བཟང་རྒྱལ་མཚན་གཉིས་ཀྱིས་འབྲེལ་ཡོད་གནད་དོན་ཐད་ནས་རང་ཉིད་ཀྱི་བསམ་ཚུལ་བརྗོད་པ་མ་ཟད། ད་དུང་གླེང་མོལ་གྱི་འབྲེལ་ཡོད་གནས་ཚུལ་སྐོར་ཇི་བཞིན་དུ་ཏཱ་ལའི་བླ་མར་སྙན་ཞུ་འབུལ་རྒྱུའི་བསམ་ཚུལ་བསྟན་པ་རེད།
གྲོས་མོལ་མ་གནང་གོང་ལ། རྒྱ་རི་འཁོར་དང་བཅས་པ་ཉིང་ཞ་ཧུའེ་རིགས་རང་སྐྱོང་ལྗོངས་སུ་ལྟ་སྐོར་གནང་བར་ཕེབས་པ་དང་། པེ་ཅིང་དུ་སྡོད་པའི་རིང་ལ་འབྲེལ་ཡོད་ཆེད་མཁས་པས་ཀྲུང་གོའི་མི་རིགས་ས་ཁོངས་རང་སྐྱོང་གི་བཅའ་ཁྲིམས་དང་སྲིད་ཇུས། ལག་ལེན་བཅས་ཀྱི་གནས་ཚུལ་སྐོར་རྒྱ་རི་འཁོར་དང་བཅས་པར་ངོ་སྤྲོད་གནང་བ་རེད

སྡོམ

metog — Sat, 25 Oct 2008 15:51:13 +0000

ཀླུ་སྨྱོན།
སྡོམ་གྱི་བཀའ་དྲིན་གྱིས་ང་ཚོར་དེང་རབས་ཅན་གྱི་དྲ་རྒྱ་འདི་དག་བྱུང་བ་མ་བརྗེད་པར་གྱིས།

ཁ་བྱང་གི་འགྲེལ།

ས་རུབ་ནས་ཅུང་མ་འགོར་བར། ། སྡོམ་ཞིག་ཕྱི་རོལ་གྱི་འཇིག་རྟེན་འདིར་མངོན་བྱུང་།
གློག་འོད་གསལ་ས་ཞིག་ནས། སྡོམ་གྱིས་དྲ་རྒྱ་འགྲེམ་མགོ་བཙུགས་སོང་།
ཆར་བ་ཟམ་ཟིམ་ཞིག་བབས་བྱུང་། ཡིན་ན་ཡང་སྡོམ་གྱིས་འབད་བརྩོན་ཆེན་པོས་དྲ་རྒྱ་འགྲེམ་རྒྱུར་བར་ཆད་ཅི་ཡང་མ་བྱུང་།
སྦྲང་བུ་མེ་ལྕེབས་ཤིག་དྲ་རྒྱས་བཟུང་སོང་། དེ་མ་ཡིན་པའི་སྲིན་བུ་མང་པོ་ཞིག་ཀྱང་དྲ་རྒྱའི་ཉེ་ས་ན་འཕུར་ལྡིང་བྱེད།
ཅུང་མ་འགོར་བར་། སྡོམ་གྱི་འཚོ་བ་ལ་གནམ་ས་བླ་འོག་བརྗེས་པ་ལྟ་བུའི་འགྱུར་ལྡོག་ཅིག་ཀྱང་བྱུང་སོང་།
སྐྱ་རེངས་ཤར་ལ་ཉེ། གློག་འོད་ཀྱང་རབ་རིབ་ཏུ་གྱུར།
སྡོམ་དེ་རང་ཤོང་གི་སྤྱིལ་བུར་འཛུལ་སོང་། དེས་རང་གི་ཚོ་ཞིང་སྣུམ་པའི་ལྟོ་བ་ལ་བྱིལ་བྱིལ་བྱེད་བཞིན་འདུག
སྐྱེ་བ་རྗེས་མ་དེར། གློག་འོད་གསལ་ས་ཞིག་ནས་སྡོམ་ཞིག་གི་སྐྱེ་བ་བླངས་ན་་་ ་་་

རྒྱལ་རོང་གི་རི་མོ

metog — Sat, 25 Oct 2008 15:38:45 +0000

ཨ་རི་ནས་བོད་ཡུལ་ལ་ལྟ་བ།

metog — Sat, 16 Aug 2008 02:10:15 +0000

ཨ་རི་ནས་བོད་ཡུལ་ལ་ལྟ་བ།
ཨ་རིའི་བོད་པ་ནས
དེ་སྔོན་ང་བོད་ཡུལ་ན་ཡོད་སྐབས་ཚན་རིག་གི་ལམ་དུ་སོང་ནས་དེང་རབས་ཅན་དུ་བསྒྱུར་དགོས་ཟེར་བ་དང་། སྲོལ་རྒྱུན་དང་ཆོས་ལུགས་ནི་ཡར་རྒྱས་དང་ཚན་རིག་དར་བའི་གེགས་རྡོ་ཡིན་ཟེར་བ་སོགས་ཀྱི་བག་ཆགས་མཐུག་པོ་བཞག་ཡོད་པས། ནུབ་ཕྱོགས་ཀྱི་དཔལ་འབྱོར་དང་ཚན་རིག་དར་བའི་རྒྱལ་ཁབ་ཚོའི་ནང་ཆོས་ལུགས་ལ་དད་པ་བྱེད་མཁན་དང་སྲོལ་རྒྱུན་གྱི་ལྟ་བ་མཁྲེགས་པོ་ཅན་མེད་པར་བསམ། ཡིན་ནའང་དེ་ནི་རྩ་བ་ནས་ནོར་འདུག
༢༠༠༡ལོའི་སྨད་དུ་ང་ལ་པེ་ཅན་ནས་དབྱིན་ཇི་དང་ཨ་རིའི་གཞུང་ཚབ་ཁང་སོ་སོས་ཁོ་ཚོའི་ནང་འགྲོ་ཆོག་པའི་མཐོང་ཆེན་སྤྲད་པས། ཐོག་མར་ང་དུས་རབས་ཉི་ཤུ་བའི་སྟོད་དུ་འཛམ་གླིང་གི་ཆེས་སྔོན་ཐོན་གྱི་གྲོང་ཁྱེར་དབྱིན་ཇིའི་རྒྱལ་ས་ལོན་ཀྲོན་ལ་སོང་། གྲོང་ཁྱེར་དེ་ན་དེང་རབས་ཀྱི་ཤེལ་དང་ལྕགས་ཀྱི་ཁང་རྩེག་མཐོན་པོ་ལས་སྲོལ་རྒྱུན་གྱི་ཤིང་དང་རྡོ་ལས་རྩིག་པའི་ཁང་རྩེག་དམའ་མོ་མང་པོ་ཡོད་པར་མ་ཟད། གྲོང་ཁྱེར་འདེའི་གང་སར་ཡི་ཤུ་ལྷ་ཁང་མང་པོ་མཐོང་བྱུང་། ལྷག་པར་གྲོང་ཁྱེར་དེར་དེང་ཁང་ལས་གནའ་ཁང་རིན་གོང་ཆེ་བ་ཡོད་པར་བཤད་ལ། ངའི་གྲོགས་པོ་ཁ་ཤས་ལོ་ཉིས་བརྒྱ་སུམ་བརྒྱའི་སྔོན་བཟོ་སྐྲུན་བྱས་པའི་ཁང་པའི་ནང་བསྡད་འདུག ཁོ་ཚོའི་ནང་སྲོལ་རྒྱུན་གྱི་ཐབ་ཀ་ད་དུང་ཡོད་པར་མ་ཟད། དགུན་ཁ་དེའི་ནང་དུ་ཤིང་གིས་མེ་འབུད་ཀྱིན་ཡོད་ཟེར། དེ་དུས་ངའི་སེམས་ལ་ཕ་ཡུལ་དྲན་སོང་། ང་ཚོའི་ཕ་ཡུལ་ན་ལོ་བཅོ་ལྔ་ཙམ་གྱི་ནང་རྡོ་ཐབ་(འབྲོག་ཐབ)ལྕགས་ཐབ་ལ་བསྒྱུར། ལྕགས་ཐབ་དབུགས་ཐབ་དང་ཀློག་ལ་ཐབ་བསྒྱུར། ཕྱི་མ་དར་དུས་སྔན་མ་རྩད་མེད་ལ་སོང་འདུག ཟླ་གཅིག་གི་རྗེས་སུ་དེང་སྐབས་འཛམ་གླིང་གི་སྐད་གྲགས་ཅན་གྱི་གྲོང་ཁྱེར་ནིའུ་ཡོག་ལ་འབྱོར། སྲང་ལམ་རེ་རེ་ནང་ཡི་ཤུ་ལྷ་ཁང་རེ་ཡོད་པའི་ཚོར་སྣང་སྐྱེས། ལོ་བརྒྱའི་སྔོན་དུ་གྲོང་ཁྱེར་དེའི་མི་རྣམས་ཤིང་རྟའི་ནང་འགྲིལ་བསྐྱོད་བྱེད་ཀྱིན་ཡོད་དང་། སྤྱི་བདེ་མི་སྣ་ཚོས་རྟ་ཞོན་ནས་སྲང་ལམ་ཁག་གི་ནང་ཞིབ་གཤེར་བྱེད་ཀྱིན་ཡོད་པར་བཤད།
དེང་སྐབས་ས་འོག་ན་མེ་འཁོར་དང་ས་ཁ་ན་སྣུམ་འཁོར། ནམ་མཁའ་ན་གནམ་གྲུས་བྲེལ་འཚབ་ཆེ་བའི་གྲོང་ཁྱེར་ཞིག་ཏུ་གྱུར་ཡོད་ནའང་། སྔོན་གྱི་གོམས་སྲོལ་རྒྱུན་འཛིན་ཆེད་ལྟད་མོ་བ་རྣམས་འགྲུལ་སྐྱོད་བྱེད་སའི་ཤིང་རྟ་སྐོར་ཞིག་ཡོད་པའི་ཁར་རྟ་ཞོན་སྤྱི་བདེ་རུ་ཁག་འགས་སྲང་ལམ་ནང་སྐོར་སྐྱོད་བྱེད་ཀྱིན་ཡོད་པ་མཐོང་པས། ཡང་བསྐྱར་ང་སྐྱེས་སའི་འབྲོག་ཁུལ་གྱི་མི་སྟོང་ཕྲག་ཁ་ཤས་ལས་མེད་པའི་གྲོང་རྡལ་ཆུང་ཆུང་དེ་ཡིད་ལ་དྲན་སོང་། ལོ་བཅུའི་སྔོན་དུ་ཁལ་གཡག་དང་རྟ་ཞོན་གྱིས་ཁེངས་པའི་གྲོང་རྡལ་དེར། དེང་སྐབས་ཁལ་གཡག་དང་རྟ་ཞོན་གཅིག་ཀྱང་མཐོང་རྒྱུ་མེད་པར་གྱུར་ཡོད་པ་ནི་ཡིད་སྐྱོ་བ་ཞིག་རེད། འཛམ་གླིང་ཡོངས་ཀྱི་དཔལ་འབྱོར་གྱི་བརྒྱ་ཆའི་ཉི་ཤུ་ཟིན་པའི་ཨ་རིའི་རྒྱལ་ཁབ་ཀྱི་མི་གྲངས་བརྒྱ་ཆའི་དགུ་བཅུ་ལྷག་ཆོས་ལུགས་པ་ཡིན་པས། གཞུང་གི་མགོ་ཁྲིད་ཚོའི་ནང་ཡང་ཆོས་ལུགས་ལ་ཡིད་ཆེས་མེད་མཁན་ཉུང་ཉུང་ཡིན་པ་དང་། དུས་སྟོན་ཅིག་གི་སྐབས་མཁའ་དབྱིངས་འབབ་ཚིགས་སུ་ཚན་རིག་ལག་རྩལ་པ་ཚོས་ལྷ་ལ་ཟས་མཆོད་འབུལ་གྱིན་ཡོད་པ་མཐོང་བ་དེས།
་ངའི་བག་ཆགས་མང་པོ་ཞིག་སྔར་ལས་ལྷག་པའི་རང་འཐོར་ལ་སོང་། དེའི་རྗེས་སུ་ང་ཨ་རིའི་རྒྱལ་ས་ཝ་ཤིན་ཀྲོན་ལ་ལྟད་མོ་ལྟ་རུ་སོང་། ཨ་རིའི་རྒྱལ་ས་ནི་དེ་ཙམ་གྱི་ཆེན་པོ་མེད་ནའང་། སྲང་ལམ་ཁག་གཙང་ཞིང་རྒྱ་ཆེན་པོ་རེད། ཨ་རིའི་གྲོས་ཚོགས་ཁང་དང་ཕོ་བྲང་དཀར་པོའི་གཙོའི་ཁང་པ་མང་ཆེ་བ་གནའ་བོའི་ཡོ་རུབ་ཀྱི་བཟོ་བཀོད་ལྟར་བཟོ་སྐྲུན་བྱས་འདུག་ལ། ངའི་གྲོགས་པོས་བཤད་པ་ལྟར་ན་དེང་རབས་ཀྱི་ཁང་པའི་བཟོ་བཀོད་ལྟར་ཁང་པ་བཟོ་སྐྲུན་བྱེད་མི་ཆོག་པ་གྲོང་ཁྱེར་འདིའི་ཁྲིམས་རེད་ཟེར། གྲོང་ཁྱེར་དེ་ན་འགྲེམས་སྟོན་ཁང་དང་དཔེ་མཛོད་ཁང་ཧ་ཅང་མང་པོ་འདུག ལྟད་མོ་གྲུབ་རྗེས་ངའི་སེམས་སུ་འཁོར་བ་ནི་ལྷ་ས་རེད། ལོ་འགའི་སྔོན་རྒྱལ་ཁབ་ཀྱིས་གྲོང་ཁྱེར་ལྷ་སའི་ལྷ་ས་(ལྷ་སའི་མིས་གཙུག་ཁང་གཡས་གཡོན་ལ་ལྷ་ས་ཟེར) གནའ་སྲོལ་སྲུང་སྐྱོབས་ཀྱི་ཁོངས་སུ་བསྡུས་ནས་དེང་རབས་ཁང་པ་བཟོ་སྐྲུན་མི་དྱེད་རྒྱུའི་བཅའ་ཁྲིམས་བསྒྲགས་ཡོད་ནའང་། གཅིག་རྗེས་གཉིས་མཐུད་དུ་དེང་རབས་ཀྱིས་གནའ་རབས་ལ་བཙན་གཡབ་བྱས་པས་དེང་སྐབས་ས་གནས་དེར་གནའ་བོའི་བོད་རང་གི་ཁྱད་ཆས་ལྡན་པའི་ཁང་པ་ཁེ་གཙང་ཞིག་མཐོང་དཀའ་བར་ཆགས་ཡོད། འདི་ལྟར་བཅོས་སྒྱུར་གྱིས་མི་འགྱིངས་པར་ང་ཆེས་དགའ་སའི་རང་ཡུལ་དེ་ཆེས་མི་དགའ་སའི་གཞན་ཡུལ་ཞིག་ཏུ་འགྱུར་ངེས་རེད།
འདི་ལྟར་ངའི་མཐོང་ཐོས་ཀྱི་ཚད་མ་རེ་རེ་ཡིས་ངའི་སླུ་བྲིད་སློབ་གསོའི་བག་ཆགས་རྩད་མེད་དུ་བཏང་སོང་།

གསེར་རྟགས།

metog — Sat, 16 Aug 2008 01:21:19 +0000

གfྷྒdhfdjsfhjdsfhsdjfksdflskflsd

དཀར་མཛེས།

metog — Sat, 16 Aug 2008 00:10:52 +0000

དཀར་མཛེས་ཨ་ཡིག་ལས་འཁྲུངས་ཡེ་ཤེས་གཏེར།།